KTI - فۆڕمی وەرگرتن بۆ فێرخوازانی دەرەوی شار

فۆڕمی وەرگرتن بۆ فێرخوازانی دەرەوی شار

بە مەبەستی کار ئاسانی بۆ فێرخوازانی دەرەوەی شاری سلێمانی و سەرجەم دەرچووانی ئامادەیی (زانستی، وێژەیی)، ئاگادارتان دەکەینەوە کە بۆ وەرگرتنی فۆرمی پەیمانگە بۆ ساڵی خوێندنی (٢٠٢٣-٢٠٢٤) پێویست ناکات سەردانی پەیمانگە بکەن، دەتوانن فۆڕمی وەرگرتن لە پەیمانگەی تەکنیکی کوردستان بە ئۆنلاین لای خۆتان داببەزێنن.

بۆ پڕکردنەوەی ئەم خاڵانەی خوارەوە پەیڕەو بکەن:-

١. پێویستە فۆرمەکە بەشێوەی دوو دیو لەسەر یەک پەڕە لەسەر کاغەزی (120 ملگم) پرنت بکرێت
٢. پێویستە بە قەڵەم جافی شین پڕ بکرێتەوە
٣. زانیارییە کەسییەکانی خۆتان پڕبکەنەوە و وێنەیەکی ڕەنگاو ڕەنگی لێبدەن
٤. سەردانی ئامادەییەکانتان بکەن، تاوەکو نمرەکانتان بۆ پڕبکەنەوە و مۆرو واژووی بکەن
٥. سەردانی پەروەردەی شار، یان شارۆچکەکانتان بکەن، تاوەکو مۆرو واژوی پشتڕاستکردنەوەی لێبدەن
٦. دواتر بیگەڕێنەوە بۆ پەیمانگە و لە کاتی ڕادەستکردنی فۆڕمەکە لە پەیمانگە، بڕی (4000) چوار هەزار دیناری لەگەڵدا ڕادەستبکەن

تێبینی:

- ئەم فۆڕمە تەنها بۆ ئەو فێرخوازانەیە کە لەدەرەوەی شاری سلێمانین، چونکە ئەم فۆڕمە جیاوازە لەگەڵ فۆڕمی ناو شاری سلێمانی، بۆیە دەرچووانی ناو شاری سلێمانی، پێویستە لە ناو پەیمانگە فۆڕم وەربگرن.

- لەم لینکەوە فۆرمەکە دابگرە:

زانستی : https://drive.google.com/file/d/1GP-jnE5HKzSdu7v3d9BSd-k-E9n8rqx4/view?usp=sharing
وێژەیی : https://drive.google.com/file/d/1g_v1M04U4FEt8dvHWbpSgXIKYCcnq4He/view?usp=sharing